chef阿牟

又遇过一个甘的人。。。

人物：
我=即系我啦
chef阿牟=好明显系唔想甘明显他系乜水啦

地点：
abu dhabi model office

时间：
大概系9am-6pm之间，总之就系工作时间。（查实唔记得几点，=P)

某一日，工作时间中，handphone突响。。。
我：喂？mushi mushi?
阿牟：（紧张）喂，sam哥，帮下手，哩一次我的前途同终生幸福旨意晒你的了。
我：呃。。。唔好意思，呵呵，没电话显示，请问你系。。。？
阿牟：（更紧张）哇~我的声都认唔出？同你甘熟，你系咪delete佐我电话？睇唔到咩？
我：（尴尬）呃。。呃。。。唔好意思，呵呵呵呵，真的认唔出，不如你讲我知？
阿牟：我系阿牟阿（原来系阿牟，我当其时真想讲句“同你真的唔熟”）。。（停顿大概10秒）。。唔怪得拉~~
我：吓？唔怪得咩野？
阿牟：我系阿牟拉，哈哈。。我用紧阿炳（好明显系另一个假名，他的同事）的电话call你的，唔怪得没电话显示我名拉。
我：呵呵~唔怪得。。唔怪得。。（阿生，你系咪玩也？）
阿牟：喂，sam哥，帮下手，哩一次我的前途同终生幸福旨意晒你的了。（=="先生，哩句你重复过了）
我：咩事？
阿牟：你而家过来我哩度（行路过去他工作的地方8分钟），我话你知。
我：做紧工喔，有咩事没？
阿牟：（急躁）你过来先拉~
我：大佬，做工呢，有咩很急的没？如果急的不如你过来？
阿牟：大佬~（有点大声了），我而家做紧工，点过去你果度？（真好野~ 甘点解你又认为我可以过去呢？）
我：咩事先？
阿牟：帮我看封信。
我：信？咩信？
阿牟：我的求职信有回复，我唔识英文，你帮帮手帮我看下。
我：求职？咩事求职？唔系做得好地地。。？
阿牟：咩好啦，拿他个少少钱，日日要听他猛猛挣。边有你地甘好，日日坐office，吹aircond，唔洗出力就有钱拿。（先生，我地都有出“力”的，你出劳力，我地出脑力）
我：牟少，出来做工系甘的啦，有边个唔受气的？看开些拉。看在人工上啦。（四十岁人仲甘好火）
阿牟：挑，他个少少钱，我会恨？
我：牟少，8k算唔错的了。（我真想讲，你小学都未毕业，煮野又唔系特别好吃，仲想点~~）
阿牟：伦敦有间5star hotel新开张，邀请我过去，人工4.2k英镑。
我：4.2k英镑？哇~好高人工喔！有没老点嘎？
阿牟：sam哥，你都真系唔识野，4.2k英镑在伦敦做厨好平常的，何况我di甘既KOLI。（对自己半桶水的厨艺果然充满信心）
我：我记得我有个朋友以前过去做厨都只是千几英镑，算唔错的了。。。
阿牟：你朋友又点同？我是5star呢~以前仲做过burj arab(dubai7star hotel，确实在果度做过，但又确实唔觉得他煮的野有咩特别好吃)，人工麦又系好似伦敦甘上下。。
我：咦？你上次同我讲同哩度甘上下，而家又同伦敦甘上下？牟少，咪玩我拉，（哈哈，抓你痛脚）
阿牟：呃。。。你听错啦，系同伦敦甘上下。。。喂！唔讲了，电话费贵，你而家过来帮我看信，快点啦~
我：都话做紧工咯，你有急事你过来啦。
阿牟：我而家做紧工，点过去你果度？（炸倒）

事后有帮他写过几封email，（奇怪阿牟每次都系工作时间call我，跟住讲返之前大概一样的内容，即系而家要过去帮他写信，讲佐好多次我要做工他都好似唔明）查实我好唔喜欢写信，皆因我本身英文都没咩好，但我性格就系唔懂得拒绝人。写信途中发觉唔妥，理由有几个，（阿牟好似洗佐脑甘。。）
1）5star hotel的照片不清楚，内容好多含糊带过。(阿牟话因为要好赶请人，所以做的求其佐)
2）没有自己hotel的mail，堂堂大酒店的email竟然系gmail.com（阿牟话好正常，好多hotel都系甘的）
3）online check过,发觉有另外的website同地图，但唔系google map的。写佐封email过去问，但没回复。（阿牟话你写信问人证明你信唔过人，更系唔会回复你，炸倒）
4)所有email都系hotel GM写的，他话有几千人应征，但每次我哩度的信晚上才刚发，第二日早上就有答复，仲系封封都唔同内容，他真的好得闲同写信超快。（阿牟话今时今日写信甘慢肯定被社会淘汰。。。系唔系讽刺紧我？==”）
5）后期immigration写来的信竟然系mailto:后期immigration写来的信竟然系immigration@gmail.co.uk，（我的问题系。。点解系gmail?而唔系咩也XXX@immigration.uk之类的？

事隔个几礼拜后，证明我所讲的没错，Immigration要求什么手续费几百英镑，写佐一大堆我看唔明的野（唔好意思，太多专业字眼，也可能我英文太差的关系）。
我叫牟少考虑清楚，哩次寄几百，下次就会越来越多，你会觉得，唔继续寄过去你之前的钱就白liao。
牟少话：甘你即系叫我唔好继续？
我：我系觉得你要考虑清楚。
牟少：甘你即系叫我唔好继续？（第二次）
我：我只系卑意见，无论点样最终决定都系你的。
牟少：甘你即系叫我唔好继续啦？（大佬，你听唔明吗？）
我：你自己决定咯，我唔敢讲100%骗人，但好多例子证明过，你自己应该有看报纸的。。
牟少：关咩事？甘你即系叫我唔好继续系咪？（我都把忍火佐）
我：（好假的笑）哈哈，你喜欢咯~~没理由你要死我唔卑你死。
牟少：（唔爽语气）ok拉，即系你叫我唔好继续拉，系你叫我唔好继续的，我听你讲咯。
我：你唔洗听我讲，你喜欢你可以继续的。（闲）
牟少：（大声）甘即系点？一下又叫我继续，一下又唔好。。。
我：==”你自己决定唔得的咩？
牟少：关咩事？甘你即系叫我继续定唔继续？
我：（费事同你再咬）哎呀呀~~肚痛肚痛。。去厕所先。。。（讲完就开门去上厕所）
（远处传来。。。甘你即系叫我继续定唔继续嘎？）